Türkmenistanyň biržasynda geçen hepdede 78 million manatdan we 2,7 million dollardan gowrak geleşik baglaşyldy
2026-njy ýylyň 30-njy hepdesiniň birža söwdalarynyň jemleri boýunça Türkmenistanyň Döwlet haryt-çig mal biržasynda daşary ýurtly we ýerli işewürleriň gatnaşmagynda umumy bahasy 78 093 000,00 manada hem-de 2 746 800,00 amerikan dollaryna deň bolan birnäçe iri şertnamalar baglaşyldy. Hepde boýunça geçirilen söwdalarda obasenagat we dokma toplumynyň önümlerine bolan uly isleg saklandy. Daşarky bazarda Türkiýäniň, Özbegistanyň we Azerbaýjanyň işewür wekilleri uly işjeňlik görkezdiler. Türkiýeli telekeçiler çig ýüpegi we pagta ýagynyň çökündisini (Soapstok) satyn almak boýunça 724 000,00 amerikan dollarlyk geleşikleri baglaşdylar. Şeýle hem Özbegistanyň we Azerbaýjanyň kompaniýalary türkmen öndürijilerinden nah ýüplügini satyn almak barada degişlilikde 1 139 500,00 amerikan dollary, 438 900,00 amerikan dollary we 444 400,00 amerikan dollary mukdarynda ylalaşyklara gol çekdiler. Içerki bazarda bolsa ýerli telekeçiler tarapyndan iri geleşikler amala aşyryldy. Ýurdumyzyň işewürleri «Türkmenpagta» döwlet konserninden pagta süýümini satyn almak boýunça 75 033 000,00 manatlyk hem-de Dokma senagaty ministrliginden nah ýüplügini satyn almak boýunça 3 060 000,00 manatlyk şertnamalary baglaşyp, milli önümçilige bolan ýokary islegi ýene bir gezek subut etdiler.