Türkmenistan daşarky bazara pagta we nah ýüpligini eksport edýär

Türkmenistanyň Döwlet haryt-çig mal biržasynda 1-nji iýulda geçirilen söwdalaryň netijesinde jemi 4 sany şertnama baglaşyldy. Baglaşylan geleşikleriň umumy maliýe möçberi 7 164 000,00 manada hem-de 3 121 370,00 ABŞ dollaryna deň boldy. Bu ugurdaky söwda amallary içerki we daşarky bazarlaryň wekilleriniň gatnaşmagynda amala aşyryldy. Daşary ýurtly hyzmatdaşlar bilen guralan söwdalarda Türkiýe Respublikasynyň we Birleşen Arap Emirlikleriniň işewür toparlary işjeňlik görkezdiler. Olar türkmen öndürijilerinden ýokary hilli pagta süýümini hem-de nah ýüpligini uly möçberde satyn almak boýunça özara bähbitli ylalaşyklara gol çekdiler. Ýurdumyzyň içerki bazarynda bolsa ýerli telekeçiler özara geleşikleri alyp bardylar. Olar tarapyndan «Türkmenýüpek» ýapyk görnüşli paýdarlar jemgyýetiniň önümi bolan çig ýüpegi satyn almak boýunça söwda amallary üstünlikli berjaý edildi.