«Turkmen Expo» FAST TEXTILE 2026 sergisinde Türkmenistanyň milli pawilýonyny gurar
«Turkmen Expo» Polşada geçiriljek halkara FAST TEXTILE 2026 dokma sergisiniň resmi hyzmatdaşy hökmünde çykyş edýär we Türkmenistanyň milli pawilýonynyň gurar. 2026-njy ýylyň noýabr aýynda FAST TEXTILE sergisinde türkmen öndürijileri önümleriň giň görnüşini hödürläp, daşary ýurtly hyzmatdaşlar bilen işewür duşuşyklary geçirerler. FAST TEXTILE 2026 sergisi 17–19-njy noýabrda Žguw şäherindäki Ptak Expo Łódź sergi toplumynda geçiriler. Sergi dokma önümlerini öndürijileri we üpjün edijileri, tikinçilik kärhanalaryny, dizaýnerleri, brendleri, lomaý alyjylary, distribýutorlary we bazaryň beýleki hünärmenlerini bir ýere jemlär. Çäräniň gerimini öňki sergileriň görkezijileri hem aýdyň görkezýär: dünýäniň 40 ýurdundan 14 600-den gowrak hünärmen, 30-dan gowrak döwletden 450–600 töweregi sergi gatnaşyjysy bolan kompaniýa we takmynan 20 000 inedördül metr sergi meýdançasy. Gatnaşyjylaryň uly bölegini işewürler, satyn alyjylar we hünärmenler düzýär. Serginiň gatnaşyjylarynyň we hyzmatdaşlarynyň hatarynda Polşanyň Dokmaçylar assosiasiýasy, Dokma birleşikleriniň Ýewropa assosiasiýasy, şeýle hem Polşanyň we halkara derejesindäki beýleki pudaklaýyn birleşikleri bar. Serginiň hemişelik we gatnaşjakdygyny mälim eden eksponentleriniň arasynda Klopman, Getex, La Linea, Grupa Wendre, Zelal Tekstil, Belet, Textiltex, Majmasz we Rudholm Group ýaly iri kompaniýalar bar. Türkmenistanyň milli pawilýony ýurduň dokma senagatynyň kompaniýalaryny, döwlet kärhanalaryny, fabriklerini we önümçilik toplumlaryny bir ýere jemlär. Gatnaşyjylar daşary ýurtly hünärmenler üçin Türkmenistanyň dokma pudagynyň önümlerini, şol sanda dokma materiallaryny, taýýar önümleri, trikotaž önümlerini, ýüplükleri, egin-eşikleri we beýleki önümleri hödürlärler. «Turkmen Expo» kompaniýasy diňe bir FAST TEXTILE 2026 sergisinde Türkmenistanyň wekilçiligini üpjün etmän, eýsem Türkmenistanyň dokma senagatynyň öňdebaryjy wekillerini bitewi ekspozisiýanyň çäklerinde birleşdirip, milli pawilýonyň guramaçylygyny hem amala aşyrýar. Serginiň çäklerinde kompaniýalar B2B duşuşyklaryny geçirip, import edijiler, distribýutorlar, söwda kompaniýalary we halkara brendleri bilen göni aragatnaşyk gurup, öz önümlerini hödürläp, önümleriň eksport üpjünçiliginiň mümkinçiliklerini we uzak möhletleýin hyzmatdaşlygyň geljegini ara alyp maslahatlaşyp bilerler.